ඉන්දියාවේ සිට පැමිණෙන සියලු ගුවන් මගීන්ට නවසීලන්ත දොරටු වැසේ

2021-04-08 at 09:53

ඉන්දියාවේ සිට පැමිණෙන සියලු ගුවන් මගීන්ට රටට ඇතුලුවීම තාවකාලිකව අත්හිටුවීමට නවසීලන්තය පියවර ගෙන තිබෙනවා.

ඒ ඉන්දියාවේ මේ වනවිට කොවිඩ් ආසාධිතයන් සංඛ්‍යාව සීඝ්‍රයෙන් ඉහළයාම සැළකිල්ලට ගෙනයි.

ඉන්දියාවේ සිට පැමිණෙන සිය පුරවැසියන්ටද මෙම රෙගුලාසිය වලංගු බවයි නවසීලන්තය දන්වා ඇත්තේ.

ඕක්ලන්ඩ් නුවර අද පැවති මාධ්‍ය හමුවකට එක්වෙමින් නවසීලන්ත අග්‍රාමාත්‍ය ජසින්ඩා ආර්ඩර්න් මහත්මිය මේ බව නිල වශයෙන් නිවේදනය කලා.

විදේශයන්ගෙන් නවසීලන්තයට පැමිණි පුද්ගලයන් අතර සිටි 23 දෙනෙකු කොවිඩ් ආසාධිතයන් ලෙස අද දිනයේදී හඳුනාගෙන තිබෙනවා.

ඉන් 17 දෙනෙකුම ඉන්දියාවේ සිට පැමිණි පුද්ගලයන් බවයි විදෙස් වාර්තා සඳහන් කලේ.