IPL වෙනුවෙන් ඉන්දියාවට පැමිණි ඔස්ටේ්‍රලියානු ක්‍රීඩකයන් ශ්‍රී ලංකාවට ????

2021-05-05 at 17:47

අයි පී එල් තරගාවලිය වෙනුවෙන් ඉන්දියාවට පැමිණි ඔස්ටේ්‍රලියානු ක්‍රීඩකයන් සහ පුහුණුකරුවන් නැවත සිය රට බලා යාමට පෙර ශ්‍රී ලංකාවට හෝ මාලදිවයිනට පැමිණ දින කිහිපයක් ගත කරනු ඇති බවට වාර්තා පළවනවා.

ඉන්දියාවෙන් ගුවන් යානා හෝ පුද්ගලයන් ගෙන්වා ගැනීම ලබන 15 වනදා දක්වා අත්හිටුවීමට ඔස්ටේ‍රලියාව පසුගියදා තීරණය කලා.

කෙසේවෙතත් ඊයේ දිනයේදී ඉන්දීය ක්‍රිකට් පාලක මණ්ඩලය සඳහන් කලේ ක්‍රීඩකයන් ඇතුලු පිරිසකට කොවිඩ් වෛරසය වැළඳීම හමුවේ අයි පී එල් තරගාවලිය දින නියමයක් නොමැතිව කල් දමන බවයි.

ඒ අනුව අයි පී එල් වෙනුවෙන් ඉන්දියාවට පැමිණි ඔස්ටේ‍රිලියානුවන්ට ඉන්දියාවෙන් පිටත්ව දින කිහිපයක් වෙනත් රටක ගතකර මව්බිම බලායාමට සිදුවන අතර ඒ සඳහා ආසන්නම රටවල් දෙක වන්නේ ශ්‍රී ලංකාව හෝ මාලදිවයිනයි.

අයි පී එල් වෙනුවෙන් ඉන්දියාවට පැමිණි ඔස්ටේ්‍රලියානුවන් ගණන 38 ක් වන අතර එයින් මයිකල් හසී ට පමණක් කොවිඩ් වෛරසය ආසාධනය වී ඇති බවටයි මේ වනවිට තහවුරු කරගෙන ඇත්තේ.